विराटनगर । मोरङको लेटाङबाट मंगलबार बिहान जुवा खेल्दै गरेका सात जनालाई पहरीले पक्राउ गरेको छ ।
लेटाङ ९ स्थित जाँतेमा सोएता मगरको घरमा छापामारेर प्रहरीले १ लाख ८८ हजार नगदसहित सात जनालाई जुवाको खालबाट पक्राउ गरेको हो ।
प्रहरीले लेटाङ ९ का ४५ वर्षे ददिराम पौडेल, २५ वर्षे निर्मल मगर, ३१ वर्षे रञ्जित गजमेर, ५२ वर्षे नरध्वज खड्का, ३२ वर्षे चन्द्रबहादुर गौतम, २९ वर्षे सिरिकुमार पुलामी मगर र तेह्रथुम मेन्सायोङ ३ का यमकुमार शेर्पालाई पक्राउ गरेको हो ।
प्रहरीले नगदसहित एक सेट कौडा, ६ बुक तास र १६ थान मोवाइल बरामद गरेको छ । प्रहरीले जुवाको खालमा रहेका अन्य व्यक्तिहरु भागेको आशंकासमेत गरेको छ ।
