विराटनगर/ अवैध लागूऔषधसहित एक जना भारतीय नागरिकलाई सशस्त्र प्रहरीले पक्राउ गरेको छ ।
प्रतिबन्ध लगाएको अवैध लागूऔषध भारतदेखि ल्याउँदै गरेको अवस्थामा भारतीय नागरिक ३६ वर्षिय दयावाल तिवारीलाई सशस्त्र प्रहरी बोर्डर आउट पोस्ट (बिओपी) जहदा भुटहाले पक्राउ गरेको हो ।
पक्राउ परेका भारतीय नागरिकको साथबाट सशस्त्र प्रहरीले कोडिन सिरफ नामक लागूऔषध ३८ बोतल, नाइट्रोजोफाम टयाब्लेट २८३ पिस, स्पामोप्रोप्लस १४१ पिस लगायतको विभिन्न नाम गरेको लागूऔषध बरामद गरेको सशस्त्र प्रहरीले जनाएको छ । सशस्त्र प्रहरीका प्रहरी निरीक्षक जंग बहादुर सिंहको टोलीले विराटनगर १८ बाट बुधबार लागूऔषध पक्राउ गरेको हो । बरामद भएको लागूऔषध र भारतीय नागरिकलाई आवश्यक कारवाहीको लागि इलका प्रहरी कार्यालय रानी विराटनगर बुझाएको छ ।
