विराटनगर । विराटनगरमा पछिल्लो २४ घण्टामा १९७ जना कोरोना संक्रमित थपिएका छन् । विराटनगरमा देखिएको दैनिक संक्रमणको संख्या अहिलेसम्मकै उच्च हो ।
प्रदेश सरकारको सामाजिक विकास मन्त्रालयका अनुसार कोरोना पोजेटिभ देखिएका ७५ महिला र १२२ पुरुष छन् ।
आइतबार मोरङमा २३६ जनामा कारोना देखिएको छ । सुन्दरहरैचामा १२, बुढीगंगामा ७, बेलबारीमा ५, उर्लाबारीमा ३, रंगेली, पथरीशनिश्चरे र धनपालथानमा २–२, कटहरी र सुनबर्षीमा १–१, लेटाङ, ग्रामथान, जहदा र मिक्लाजुङका १–१ जनाको रिपोर्ट पोजेटिभ आएको सामाजिक विकास मन्त्रालयले जनाएको छ ।
