विराटनगर । विराटनगरमा मंगलबार एकैदिन १५० जना कोरोना संक्रमित थपिएको छ । दैनिक संक्रमण संख्यामा यो अहिलेसम्मकै उच्च हो ।
विराटनगरमा पछिल्लो २४ घण्टामा गरिएको पिसिआर परीक्षणमा १५० जनामा संक्रमण देखिएको प्रदेश सरकारको सामाजिक विकास मन्त्रालयले जनाएको छ ।
संक्रमण पुष्टि भएकामा ६९ महिला र ८१ पुरुष छन् । योसँग विराटनगरमा कोरोना संक्रमितको संख्या २ हजार ८६९ पुगेको छ । संक्रमितमध्ये अहिलेसम्म १८ जनाको मृत्यु भएको महानगरपालिकाको स्वास्थ्य महाशाखाको रेकर्ड छ ।
विराटनगरबाहके मोरङको सुन्दरहरैचामा १३ महिला र ८ पुरुष, कटहरीमा ७ महिला १२ पुरुष, बुढीगंगामा १ महिला र ४ पुरुष, रंगेलीमा १ महिला र २ पुरुष, धनपालथानमा १ महिला र २ पुरुष, रतुवामाईमा ३ पुरुष, जहदा, कानेपोखरी र पथरीशनिश्चरेमा १–१ पुरुष र स्थानीय तह नखुलेका ३ पुरुषको रिपोर्ट पोजेटिभ आएको मन्त्रालयले जनाएको छ ।
