एजेन्सी । ‘यो सत्य हो कि इटालीको अर्थतन्त्र पूर्ण रूपले ध्वस्त हुनेछ, तर इटालीले आफ्नो जनताको खातिर बलिदान चढाउनु पर्छ। अघिल्लो युद्धहरूमा, मानिसहरू इटाली बचाउनको लागि मर्थे। यो युद्धमा, इटाली मानिसहरु बचाउनको लागि मर्नेछ’, यो भनाई इटालियन प्रधानमन्त्री जिसेप कोन्टेको हो ।
उनले अगाडि भनेका छन्, ‘यदि कोरोनाभाइरस संक्रमणको संख्या बुधवारसम्म घटेन भने, हामी सामान्य क्वारेन्टाइन लागू गर्नेछौं र देशलाई स्थायी रूपमा बन्द गर्नेछौं । र हामी कम्पनीहरू, कारखाना र कारखानाहरूमा काम गर्न रोक्नेछौं । हामी मजदुर र कर्मचारीहरूको ज्याला खर्च गर्नेछौं। राज्य कोष, र हामी पानी र बिजुली बिल रद्द गर्नेछौं।’
कोरोना भाइरसको ‘इपिसेन्टर’ चीनबाट इटली सर्यो, अब अमेरिकामा सर्ने चेतावनी
नोभेल कोरोना भाइरस चीनको ऊहानबाट सुरु भएको हो तर यसको ‘इपिसेन्टर’ क्रमशः अन्तर्राष्ट्रिय स्तरमा सर्दैछ ।
अहिले यसको इपिसेन्टर युरोप हो, तोकेरै भन्नुपर्दा इटली । यहाँ कोरोना भाइरसका संक्रमतिको संख्या ७० हजार पुगेको छ भने मृतकको संख्या ७ हजार पुगिसकेको जोन होप्किन्स युनिभर्सिटीले जानकारी दिएको छ ।
यद्यपि, इटलीमा लकडाउन भएको दुई हप्ता बित्नै लाग्दा इटलीमा संक्रमित र मृतकको संख्या घट्ने अनुमान गरिएको छ । विज्ञका अनुसार कोभिड–१९ को इन्कुबेशन समय १ देखि १४ दिन हो त्यसकारण सरकारले मानिसहरुलाई घरभित्रै बस्न दिएको निर्देशनको फाइदा देखिन पूरा दुई हप्ताको समय लाग्छ ।
इटलीमा मार्च १३ तारिखमा लकडाउन गरिएको थियो अर्थात्, शुक्रबार दुई हप्ता पूरा हुनेछ । अमेरिकाले हालै केही स्थानमा यात्राको प्रतिबन्ध त लगाएको छ तर राष्ट्रियस्तरमा पूर्ण रुपमा प्रतिबन्ध लगाएको छैन ।
सीएनएनका अनुसार अमेरिकामा मंगलबार रातीसम्म नोभेल कोरोना भाइरसका ५२ हजार ९ सय ७६ संक्रमित भेटिएका छन् भने सात सय बढीको मृत्यु भएको छ । सिएनएनले सरकार र स्थानीय स्वास्थ्य विभागले दिएको जानकारीको आधारमा यो जानकारी दिएको हो । सिएनएनको विश्लेषण अनुसार मार्च ४ देखि यहाँ संक्रमितको संख्यामा २३ प्रतिशतका वृद्धि भएको छ । मार्च १८ देखि १९ सम्म अमेरिकामा मृत्युदर ५१ प्रतिशतले वृद्धि भयो जहाँ एकैदिन मृतकको संख्या ८,७६० बाट १३,२२९ पुगेको छ ।
यद्यपि, जनस्वास्थ्य विभागलगायत अमेरिकी स्वास्थयकर्मीले सबैभन्दा खराब स्थिती अझै देख्न बाँकी भएको चेतावनी दिएका छन् ।
