विराटनगर। नेकपा एमालेका स्थायी कमिटि सदस्य राजेन्द्र गौतमले पनि उपमहासचिव पदमा उम्मेदवारी दिने भएका छन् ।
अध्यक्ष केपी ओली समूहबाट पदाधिकारीको दावेदर रहेका संंखुवासभाका गौतमलाई ओलीले केन्द्रीय सदस्यको मात्र उम्मेदवार बनाउने निर्णय गरेपछि उनले विद्रोह गरेका हुन् ।
गौतमले उपमहासचिव पदमा उम्मेदवारी दिन लागेको बताएका छन् । आफूले कुनै समूहमा आबद्ध नभई स्वतन्त्र रुपमा उम्मेदवारी दिन लागेको उनको भनाइ छ ।
गौतम ओलीको विश्वासपात्रको रुपमा चिनिएका थिए । उनी अहिले पार्टीको स्थायी समिति सदस्य र प्रचार विभाग प्रमुख छन् । पोलिटब्युरो सदस्य रहेका महेश बस्नेतहरुलाई पदाधिकारीको उम्मेदवार बनाउँदा आफूलाई नसमेटेपछि उनी असन्तुष्ट भएर उम्मेदवारी दिने भएका हुन् ।
यअसघि ओली समूहमै रहेका झापाका अग्नी खरेलले पनि सचिवमा उम्मेदवारी दिने घोषणा गरिसकेका छन् । ओलीले उनलाई पनि केन्द्रीय सदस्यको उम्मेदवार बनाएका छन् ।
‘मैले खोजेको पदाधिकारी हो, त्यसमा (अध्यक्षको सूचीमा) नाम छैन । म सचिव पदमा आफ्नो उम्मेदवारी दिन्छु’ खरेललले भने । खरेलले आफू कुनै अर्को समूह वा प्यानलबाट नभई नितान्त स्वतन्त्र रूपमा चुनावी मैदानमा उत्रिने स्पष्ट पारेका छन् ।
उनले महाधिवेशन प्रतिनिधिहरूको विवेकमाथि आफूलाई विश्वास रहेको बताएका छन् । उनले महाधिवेशनमा प्यानल बनाएर चुनाव लड्ने प्रवृत्तिको विरोध गरेका छन् ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।