विराटनगर । नेकपा एमाले विराटनगर महानगर कमिटीको अध्यक्षमा बलराम गिरी निर्वाचित भएका छन्।
बिहीबार साँझ सम्पन्न निर्वाचनमा गिरीले १७३ मत प्राप्त गरी, प्रतिस्पर्धी रोहित कोइरालालाई १२१ मतले पराजित गरेका हुन् । संस्थापन पक्षका कोइरालालाई इतर समूहका गिरीले पराजित गरेका हुन् ।
सर्वसम्मत नेतृत्व चयन गर्ने प्रयास असफल भएपछि मतदान प्रक्रिया अघि बढाइएको थियो। कुल ३१४ प्रतिनिधिमध्ये ३०८ जनाले मतदान गरेका थिए।
गिरी नेतृत्वको प्यानलले अन्य पदमा समेत विजय हासिल गरेको छ। उपाध्यक्षमा सुरज न्यौपानेले १४५ मत प्राप्त गरी विराटनगर महानगरपालिका-८ का वडा अध्यक्ष राम पोख्रेललाई १३६ मतले हराएका छन् ।
सचिवमा विज्ञान चापागाईंले १८३ मत प्राप्त गरी निकटतम प्रतिस्पर्धी नवराज काफ्लेलाई ७९ मतको फराकिलो अन्तरले पराजित गरेका छन्। यसैगरी, उपसचिवमा हमिद आजादले १७८ मत प्राप्त गरी चन्द्र शेखर विश्वासलाई ८० मतले पछाडि पारेका छन् ।महिला उपसचिवमा हिमा मैनाली पोखरेलले १६९ मत हासिल गरी कला डाँगीलाई ५८ मतको अन्तरले पराजित गरेकी छन् । डाँगीले १११ मत प्राप्त गरेकी थिइन्।
