काठमाडौं । कालिकोटको तिलागुफा नगरपालिका–४ को वडा अध्यक्षमा नेपाल मजदुर किसान पार्टी (नेमकिपा)का उम्मेदवार खड्कराज शाही निर्वाचित भएका छन् ।
शाही १४३ मत ल्याएर वडाध्यक्षमा विजयी भएको कालिकोटका निमित्त जिल्ला निर्वाचन अधिकारी धनबहादुर मल्लले जानकारी दिए ।
वडाध्यक्षमा माओवादीका नैशोभा शाहीले ११५ मत प्राप्त गर्दा एमालेका ऐनबहादुर शाहीले ७८, कांग्रेसका पैलनबहादुर शाहीले ४९ मत पाएका छन् । यस्तै राप्रपा १५, स्वतन्त्रले ५ मत पाएको निर्वाचन अधिकृतको कार्यालयले जनाएको छ ।
सो वडामा ४११ मत खसेकोमा ४ मत बदर भएको थियो ।
