विराटनगर । सुनसरीको धरानमा एक १४ वर्षिया किशोरीको खुकुरी प्रहार गरि हत्या भएको छ भने उनकी आमा गम्भीर घाईते भएकी छन् ।
मंगलबार दिउँसो संखुवासभा खाँदबारीका बबिन बरालले अन्धाधुन्ध खुकुरी प्रहार गरेको प्रहरीले जनाएको छ ।
खुकुरी प्रहारबाट आमा सिर्जना राई र उनकी १४ वर्षीय छोरी गम्भीर घाईते भएका थिए । उनीहरुलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठानमा लगिएको थियो । उपचारको क्रममा छोरीको मृत्यु भएको प्रहरीले जनाएको छ ।
बालिकाकी सिर्जनाको उपचार सोही अस्पतालमा उपचार भईरहेको प्रहरीले जनाएको छ । छुरा प्रहार गर्ने ३३ वर्षीय बराललाई इलाका प्रहरी कार्यालय धरानको टोलीले पक्राउ गरेको छ । काठमाडौँबाट आएर एक्कासी उनले छुरा प्रहार गरेको स्थानीयले बताएका छन् ।
बराल सिर्जनाको ज्वाई नाता पर्ने बताइएको छ । घटनाको थप अनुसन्धान भईरहेको जिल्ला प्रहरी कार्यलय सुनसरीका प्रहरी नायब उपरीक्षक नविनकृष्ण भण्डारीले जानकारी दिए ।
