काठमाडौं । नेपाल टेलिकमको सेवा आज राति अवरुद्ध हुने भएको छ । ब्यालेन्स रिचार्ज, प्याकेज खरिद र सोधपुछ सेवा प्रभावित हुने नेपाल टेलिकमले जनाएको छ । ग्राहक सेवा प्रणाली स्तरोन्नति गर्न लागेकाले सेवा प्रभावित हुने भएको हो ।
नेपाल टेलिकमको ग्राहक सेवा प्रणालीको नियमित स्तरोन्नति कार्य आज राति गर्दै छ । त्यसक्रममा शुक्रबार राति ११ बजेदेखि करिब चार घण्टा सेवा प्रभावित हुने टेलिकमले जनाएको छ ।
नेपाल टेलिकमले आज सूचना जारी गरी उक्त जानकारी दिएको हो । यसबाट ग्राहक वर्षमा पर्न जाने असुविधाप्रति टेलिकमले क्षमासमेत मागेको छ ।
