लुम्बिनी ।लुम्बिनी प्रदेशको मुख्यमन्त्रीमा नेकपा एमालेका चेतनारायण आचार्य नियुक्त भएका छन्। उनि एमाले प्रदेशसभा संसदीय दलका उपनेता हुन ।
प्रदेश प्रमुख अमिक शेरचनले उनलाई सोमबार मुख्यमन्त्री नियुक्त गरेका हुन्। नेपाली कांग्रेस र नेकपा एमालेका ५६ सांसदहरूको हस्ताक्षरसहित आचार्यले मुख्यमन्त्री दाबी पेस गरेका थिए।
प्रदेश प्रमुख शेरचनले संविधानको धारा ७६ को उपधारा २ अनुसार आचार्यलाई नियुक्त गरेको जानकारी गराएका छन्।
यसअघि एमाले संसदीय दलका नेता लीला गिरी मुख्यमन्त्री बन्ने पक्कापक्कीजस्तै थियो। तर, अन्तिम अवस्थामा पार्टी केन्द्रबाट आचार्यलाई मुख्यमन्त्री बनाउने निर्देशन गएको थियो।
