विराटनगर । नेपाल –भारत सीमा नाका दशगजा विराटनगर १७ मा एक जना पुरुष मृत फेला परेका छन् ।
अन्दाजी २७ वर्षीय एक जना पुरुष आज दिउँसो मृत भेटिएका हुन् ।
अहिले घटनास्थलमा इलका प्रहरी कार्यालय रानी विराटनगरका प्रहरी निरीक्षक प्रकाश थापाको नेतृत्वको टोली घटना स्थलमा पुगेको छ । घटनाको मुचुल्का उठाएर थप अनुसन्धान सुरु गरिएको मोरङ प्रहरीले जनाएको छ । मृतकको शव पोस्मार्टमको लागि विराटनगरस्थित कोशी अस्पताल पठाउने तयारी गरिएको छ । मृतक लागूऔषध प्रयोगकर्ता हुनसक्ने प्रहरीले आशंका गरेको छ । लागूऔषध बढी सेवन गरेको कारणले मृत्यु भएको हुनसक्ने अनुमान गरिएको छ ।
