संखुवासभामा पहिरोमा परेर सासू–बुहारीको मृत्यु

सङ्खुवासभा । संखुवासभामा पहिरोमा पुरीएर एकै परिवारका २ जनाको मृत्यु भएको छ ।

सिलिचोङ गाउँपालिका–१ सिसुवाखोलामा पहिरोमा पुरिएर ५५ वर्षीया मोतिमाया राई र २५ वर्षीया समीक्षा राईको मृत्यु भएको प्रहरीले जनाएको छ । उनिहरु सासु बुहारी हुन ।

ढुङ्गाले किचेर रविना राई गम्भीर घाइते भएको संखुवासभाका प्रहरी नयाव उपरिक्षक घनश्याम श्रेष्ठले बताए । उनलाई उपचारका लागि नेपाली सेनाको हेलिकप्टरमार्फत काठमाडौँ लैजाने तयारी भइरहेको उनले बताए ।