काठमाडौं । पशुपति क्षेत्र परिसरमा नि शुल्क शव दहनका लागि किनिएका मेशिनमा भ्रष्टाचार आरोप लागेपछि तत्कालिन संस्कृति पर्यटन तथा नागरिक उड्डयन मन्त्री सुदन किरातीले छानबिन समिति माग गरेका छन्।
संस्कृति पर्यटन तथा नागरिक उड्डयन मन्त्री हितमान तामाङलाई लिखित पत्र बुझाउँदै किरातीले छानबिनका लागि तत्काल समिति गठन गर्न माग गरेका हुन् ।
विद्युती शवदाह गृहमा राखिएका मेशिनमा करोडौँ भ्रष्टाचार भएको भनेर आरोप लागेपछि किरातीले त्यसको खण्डन गर्दै आफ्नो बचाउ गर्दै आएका छन् ।
किरातीले हिन्दुहरूको आस्थाको केन्द्र पशुपतिनाथ परिसरमा पुण्यको काम गर्ने उद्देश्यले विद्युतीय उपकरणद्वारा निःशुल्क शव दहन गर्ने कार्यक्रम आफ्नो कार्यकालमा अघि बढाइएको पनि बताएका छन् ।
उनले हुँदै नभएको भ्रष्टाचारमा आफूलाई मुछेर भ्रम छरिएको जिकिर पनि गरेका छन् ।।
