ललितानिवास प्रकरणमा १२ जनालाई जनही ७५ लाख जरिवाना र २ वर्ष कैद

काठमाडौं । ललितानिवास जग्गा प्रकरणमा तत्कालीन मालपोत अधिकृतहरू कलाजर देउजा, सुरेन्द्रमान कपालीसहित १२ जनालाई विशेष अदालतले दोषी ठहर गरेको छ ।

विशेष अदालतका न्यायाधीशहरू खुशीप्रसाद थारू, रामबहादुर थापा र रितेन्द्र थापाको इजलासले बिहीबार यस्तो फैसला सुनाएको हो ।

उनीहरूलाई जनही ७५ लाख जरिवाना र २ वर्ष कैद समेत सुनाइएको छ । त्यस्तै राजीनामा वा बकसपत्रबाट ६५ जनाको नाममा दर्ता भएको जग्गा जफत हुने ठहर गरेको छ ।