काठमाडौं । सल्यानको कुमाख गाउँपालिका शुक्रबार राति १२ बजेदेखि मतगणना शुरू भएको छ। बिहान ५ः१५ बजेसम्म ५०० मत गन्दा माओवादी केन्द्रको अग्रता रहेको छ।
अध्यक्षमा माओवादी केन्द्रका डिल्लीराज जैशीले २६६ मत प्राप्त गर्दा कांग्रेस–एमाले गठबन्धन मानबहादुर बुढाथोकीले २५४ मत प्राप्त गरेका छन्।
त्यसैगरी उपाध्यक्षमा माओवादी केन्द्रका धनसरा मल्लको २८४ मत रहेको छ भने कांग्रेस–एमाले गठबन्धन लालबहादुर रावतले २१९ मत प्राप्त गरेका छन्। मतगणना वडा नं. १ बाट शुरू गरिएको हो । वडाध्यक्षमा माओवादी केन्द्रका अध्यक्षका उम्मेदवार डिल्ली रानाले ३१८ मत प्राप्त गरेका छन् भने कांग्रेस–एमाले गठबन्धनका प्रेमबहादुर बुढाथोकीले २०९ मत प्राप्त गरेका छन्।
