विराटनगर। प्रदेश १ को क्रिकेट प्रशिक्षकमा पुष्प थापा नियुक्त भएका छन् । नेपाल क्रिकेट संघ (क्यान)ले थापालाई आज नियुक्त गरेको हो ।
यस्तै क्यानले प्रदेश १ सहित अन्य प्रदेशमा पनि क्रिकेट प्रशिक्षक नियुक्त गरेको छ । यसरी नियुक्त हुनेहरुमा प्रदेश २ मा प्रकाश शर्मा र सुनील शाह, बागमती प्रदेशमा सञ्जय महर्जन र गण्डकी प्रदेशमा रिजन प्रजु रहेका छन् ।
यस्तै लुम्बिनी प्रदेशका लागि बसन्त शाही र जमिल अन्सारी, कर्णालीका लागि वीरेन्द्र शाही र सुदूरपश्चिम प्रदेशमा खेमराज भट्ट र जानकी भट्ट प्रशिक्षक नियुक्त भएका छन् ।
