विराटनगर । विराटनगरमा फागुन ५ गतेदेखि माडवारी प्रिमियर लिग क्रिकेट प्रतियोगिता सञ्चालन हुने भएको छ । प्रिमियर लिगको आठौं संस्करण फागुन ५ देखि ८ गतेसम्म चल्ने आइतबार पत्रकार सम्मेलन आयोजना गरी जानकारी दिइएको हो ।
विराटनगर २ स्थित शंकरपुर मार्गमा हुने प्रतियोगिताको तयारी तिब्रताका साथ अगाडि बढेको कार्यक्रम संयोजक मनिष अग्रवालले जानकारी दिनुभयो ।
प्रतियोगितामा नेपाल अग्रवाल युवा मंच, महेश्वरी युवा मंच, ओस्वाल युवा मंच, नेपाल मारवाडी ब्राह्मण युवा मंच, मेँठ स्वर्णकार युवा मंचका टीमले सहभागिता जनाउने जानकारी दिइएको छ । प्रतियोगितामा पाँच समूहले १० खेल खेल्ने छन् । लिग खेल अंकका आधारमा खेलिने छ । लिग प्रतियोगितापछि फाइनल खेल हुने बताइएको छ ।
प्रतियोगितामा बिजयी टीमलाई ट्रफी र ४१ हजार नगद पुरस्कार दिइने छ भने दोश्रो हुने टिमलाइ ट्रफी सहित १५ हजार नगद पुरस्कार दिइने आयोजकले जनाएको छ । लिगका प्रत्येक खेलको म्यच अफ द म्याच घोषित खेलाडीलाई २ हजार १०० नगद र ट्रफि पुरस्कार दिइने छ भने खेलको म्यान अफ सिरिजलाई ५ हजार १०० रुपैयाँ पुरस्कार प्रदान गरिने आयोजकले जनाएको छ ।
