विराटनगर। सिरहाको लहानमा एक व्यक्तिको टाउको काटिएको अवस्थामा एक शव फेला परेको छ ।
लहान १७ निवासी ४० वर्षीय मोहम्मद सरिफ मियाँको शव मंगलबार बिहान फेला परेको सिरहा प्रहरीले जनाएको छ ।
घरनजिकै बारीमा टाउको काटिएको अवस्थामा शव फेला परेको इलाका प्रहरी कार्यालय लहानका डिएसपी शरद कुमार क्षेत्रीले जानकारी दिनुभयो । उनको हत्या भएको स्पष्ट भएपनि किन र कसले हत्या गरेको भन्ने खुलेको छैन ।
प्रहरीको टोली घटनास्थलमा पुगेर अनुसन्धान सुरु गरेको छ । शवलाई पोष्टमार्टमका लागि लहानस्थित रामप्रसाद उमा स्मारक अस्पताल ल्याउने तयारी भइरहेको छ ।
