काठमाडौं । नेकपाका अध्यक्ष पुष्पकमल दाहाल प्रचण्डले कोरोना भाइरसको संक्रमणसँग जुधिरहेको नेपाललाई सहयोग गर्न अपिल गर्दै चिनियाँ राष्ट्रपति सी चिनफिङलाई पत्र पठाउनुभएको छ ।
कोरोना महामारी नियन्त्रण गर्न चीन सफल भएकोमा राष्ट्रपति सीलाई बधाई दिँदै पत्रमा नेपाललाई सहयोग गर्न अपिल गरिएको छ ।
चीनले कोरोना संक्रमणलाई सफलतापूर्वक नियन्त्रण गरेको मैले मिडियाहरुबाट जानकारी पाएको भन्दै पत्रमा यो लडाइँमा जित हात पारेकोमा नेकपाको तर्फबाट बधाई ज्ञापन गरिएको छ । मार्च २६ को मिति राखिएको पत्रमा नेपाल अहिले यो महामारीसँग जुधिरहेको उल्लेख गर्दै सहयोगका लागि राष्ट्रपति सीलाई अपिल गरिेएको छ ।
नेपाल यो महामारीसँग जुध्नका लागि तयार अवस्थामा नरहेको भन्दै पत्रमा अध्यक्ष प्रचण्डले औषधि र अन्य मेडिकल सामग्री सहयोग गर्न आग्रह गर्नुभएको छ ।
Good work!