उर्लाबारी । मोरङ्गको उर्लाबारी-८ आम्वारीमा सोमवार साँझ आगलागी हुँदा दुई घर जलेर नष्ट भएका छन् ।
स्थानिय पवित्रा सुव्वा र मकर लिम्बूको घर आगलागीबाट पूर्ण क्षति भएको इलाका प्रहरी कार्यालय उर्लाबारीले जनाएको छ । साँझतिर स्थानियवासीले पवित्रा सुव्वाको घरको धुरीमा आगो देखेपछि निभाउन प्रयास गरेका थिए ।
दमक र गौरादहबाट आएका दमकल, जनपथ, सशस्त्र प्रहरी, स्थानीयबासीलगायतकाे प्रयासमा २ घण्टापछि आगलागी नियन्त्रणमा आएकाे थियाे । आगलागीबाट करिब ५० लाखको क्षति भएकाे अनुमान गरिएकाे छ । अन्दाज गरेको प्रहरीले वताएको छ ।
आगलागीबाट मानवीय क्षति नभएपनि सम्पूर्ण धन सम्पति जलेर नष्ट भएकाे छ । ग्याँस पड्केर आगलागी भएकाे अनुमान गरिएकाे छ । साँझ पौने ७ बजे लागेको आगो करिब ९ बजे नियन्त्रणमा आएकाे थियाे ।
