जंगली हात्तीको आक्रमणबाट युवक घाइते

विराटनगर । जंगली हात्तीको आक्रमणबाट झापाको मेचीनगरमा एक युवक घाइते भएका छन् । मेचीनगर नगरपालिका–१३ स्थित हातेमालो सामुदायिक वनमा बुधबार साँझ हात्तीले आक्रमण गर्दा स्थानीय २६ वर्षीय आकाश दाहाल घाइते भएका हुन् ।

जिल्ला प्रहरी कार्यालयका अनुसार, हिजो साँझ ६ बजेतिर दाउरा लिन वनमा गएका बेला जंगली हात्तीले उनलाई आक्रमण गरेको थियो ।

हात्तीको आक्रमणबाट दाहालको दाहिने खुट्टामा चोट लागेको छ । घाइते दाहालको बिर्तामोडस्थित बी एण्ड सी अस्पतालमा उपचार भइरहेको छ ।