काठमाडौं । नेकपा माओवादी केन्द्रनिकट विद्यार्थी संगठन अखिल क्रान्तिकारीको नेतृत्व चयनका लागि १७ गते निर्वाचन हुने भएको छ ।
आज सार्वजनिक भएको निर्वाचन कार्यतालिका अनुसार उमेरहदका लागि पुस १३ गते र नेतृत्व चयनका लागि १७ गते निर्वाचन हुनेछ । उमेर हदबारे जिल्ला भूगोल र गैर भूगोल गरी ८६ मतदान केन्द्र रहनेछ । भने नेतृत्व चयनका लागि भूगोल र गैर भूगोलगरी ९ प्रदेशस्तरीय मतदान केन्द्र रहनेछ ।
असोज १०–१५ सम्म भएको सम्मेलनमा उमेर हदको विवादले उग्ररुप लिएपछि स्थगित भएको थियो ।
अहिले नेतृत्वका लागि दीपेश पुन, मदन भुल, पवन कार्की, केशव रावल, नरेश रेग्मी, जीपी मैनालीलगायतको दाबी छ ।
