ग्रामथान । ग्रामथान झोराहाटको दुर्गा आधारभूत विद्यालयका ४ कक्षसम्मका विद्यार्थीलाई एक सहकारीले स्कुल ब्याग वितरण गरेको छ ।
झोराहाटस्थित रेमिट वचत तथा ऋण सहकारी संस्थाले सो विद्यालयमा अध्ययनरत ५५ जना विद्यार्थीलाई ब्याग वितरण गरेको हो । सोही अवसरमा सहकारीले स्कुललाई ४ थान सिलिङ पंखा पनि वितरण गरेको छ ।
सहकारीले विभिन्न समयमा विभिन्न स्थानमा स्वास्थ्य शिविर संचालन तथा स्वास्थ्य समाग्री वितरण गर्दै आएको संस्थाका सल्लाहाकार यादव खतिवडाले बताए । विद्यार्थीलाई झोला र विद्यालयलाई पंखा सहयोग गरेर आफूहरुर्ला सहयोग गरेको विद्यालयका शिक्षकहरुले बताएका छन् ।
ब्याग वितरण कार्यक्रममा सहकारीका अध्यक्ष उषा घिमिरे, सचिव दिक्षा आचार्य, संस्थाका अन्य प्रतिनिधि, विद्यालयका कार्यवाहक प्रधानाध्यापक हिमालचन्द्र अधिकारी, शिक्षक, शिक्षिका, विद्यार्थ तथा अभिभावकको उपस्थिति थियो ।
