विराटनगर । लागू औषध गाँजासहित प्रहरीले विराटनगरबाट दुई जनालाई पक्राउ गरेको छ । प्रहरीले विराटनगर १५ हुलास मेटल उद्योग नजिकैबाट सुनसरी इटहरी ५ का ५२ वर्षे तेजबहादुर राई र सोही ठाउँका ४१ वर्षे पदमबहादुर राईलाई पक्राउ गरेको हो ।
गाँजा बोकेर भारतको जोगबनी तर्फ जाँदै गरेका राईद्वयलाई प्रहरीले चेकजाँच गर्ने क्रममा पक्राउ गरेको मोरङ प्रहरीले जनाएको छ ।
बियरको कार्टुनमा लुकाएर लैजाँदै गरेको चार किलोग्राम गाँजा प्रहरीले बरामद गरेको थियो । उनीहरुले को २ ह ७२४१ नम्बरको अटोमा चढेर गाँजा लगेको प्रहरीले जनाएको छ ।
