विराटनगर । नेपाली कांग्रेसको भातृ संगठन तरुण दलमा २ सय ५० बढी युवाहरु प्रवेश गरेका छन् । नेका विराटनगर महानगर कमिटिले शनिवार आयोजना गरेको कार्यक्रममा युवाहरु तरुण दल प्रवेश गरेका हुन् ।
नेपाली कांग्रेसको क्षेत्रीय समिति मार्फतबाट तरुण दलको पूर्णकालिन बाँड्ने निर्णय गरे लगतै नगर, क्षेत्र र जिल्लामा चहलपहल सुरु भएको हो । तरुण दलको जिल्ला नेतृत्वमा कडा प्रतिस्पर्धा हुने चर्चा सरु भएसँगै विराटनगरका युवा नेता रिचार्ड गौतमको सकृयतामा २५० बढी युवाहरु तरुण दल प्रवेश गरेका हुन् ।
नेपाली कांग्रेस विराटनगर समितिले आयोजना गरेको तरुण युवा प्रवेश कार्यक्रममा सागर घिमिरे, निकेश कामत लगायतको नेतृत्वमा युवा प्रवेश कार्यक्रम सम्पन्न भएको थियो ।
नेपाली कांग्रेस मोरङका कार्यबाहक सभापति भक्ति माझीको प्रमुख आतिथ्यतामा युवा प्रवेश कार्यक्रम सम्पन्न भएको थियो । कार्यक्रममा विशेष अतिथि प्रदेश सांसद एवम् पूर्व मुख्य मन्त्री केदार कार्की, नेका सचिव मोधराज घिमिरे लगायतको उपस्थिति रहेको थियो भने कार्यक्रमको सभापतित्व नगर सभापति दीपक चापागाईंले गरेका थिए । पार्र्टी प्रवेश कार्यक्रम अघि युवाहरुले विराटनगरको बिभिन्न क्षेत्रमा मोटरसाइकल ¥याली गरेका थिए ।
तरुण दलभित्र देखिएको युवा उत्साह र युवा आकर्षणले आफूहरु हर्षित भएको बताउँदै प्रमुख अतिथि माझीले तरुण दलले युवाहरुलाई संस्कार सिकाउने र आत्मनिर्भर हुन प्रेरित गर्ने बताए । उनले भने, ‘हिजो संकटको अवस्थामा तरुण दलको स्थापना भएको थियो । आज तरुण दल आफैंमा भावी राजनीतिको एउटा खम्बा हो । यसले युवाहरुलाई अवसर सिर्जना गराउँदै सक्रिय राजनीतिमा अघि बढ्ने ढोका खोल्छ ।’
कार्यक्रमका विशेष अतिथि प्रदेश सांसद एवम् पूर्व मुख्य मन्त्री केदार कार्कीले युवाहरुलाई राजनीतिक चेतनाको विकास गराउन र सामाजिक, राजनीतिक यात्रामा अघि बढ्न तरुण दलले सहयोग पुर्याउने अपेक्षा राखे ।
राजनीतिप्रति वितृष्णा बढिरहेको समयमा तरुण दलप्रति युवाहरुको आकर्षले आफू हर्षित भएको बताउँदै नेका नगर सभापति दिपक चापागाईंले भने, ‘हामी हरेक युवाले स्वदेशमै अवसर पाउनुपर्छ भन्ने चाहन्छौं । हरेक युवाहरु राजनीतिप्रति सचेत र जागरुक हुनुपर्छ भन्छौं । यसको पहिलो खुड्किलो भनेको तरुण दल मात्र हो ।’
