विराटनगर । कोरोना संक्रमण फेरीपनि बढ्न थालेपछि मोरङको उर्लाबारी नगरपालिकाले मंगलबार मध्यरातिदेखि साउन १९ गते रातिसम्म नगरका सम्पूर्ण सेवा तथा व्यवसाय बन्द गर्ने निर्णय गरेको छ ।
उर्लाबारी नगरपालिकाको विपद् व्यवस्थापन केन्द्रको सोमबार बिहान बसेको बैठकले बुधबार बिहानबाट लागू हुनेगरी औषधि, दूध डेरी, कलेजका परीक्षा र खानेपानी सेवा बाहेक अन्य सबै सेवा तथा व्यवसायहरु बन्द गर्ने निर्णय गरेको हो ।
उर्लाबारी नगरपालिकाका प्रमुख खड्ग फागोको सचिवालयले विपद् व्यवस्थापन केन्द्रको बैठकको निर्णय सामाजिक सञ्चाल मार्फत सार्वजनिक गरेको हो ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।