विराटनगर । झापा गाउँपालिका वडा नं. ७ मदरगाछस्थित सगरमाथा युथ क्लबले आम नागरिक तथा सर्वसाधारणमा नि:शुल्क मास्क वितरण गरेको छ ।
क्लबले शनिबार वडा नं. ७ को प्रगतिटोल, जनमघुटु, मगरगाउँ र मगरबस्ती लगायतका क्षेत्रमा ३ हजार मास्क वितरण गरेको हो । कोभिड-१९ को फैलिँदो संक्रमण र बढदो जोखिमको अवस्थामा क्लबले आम नागरिकमा थप जनचेतना अभिवृद्धि गर्ने उद्देश्यका साथ क्लबले आज मास्क वितरण गरेको हो । कोभिड-१९ संक्रमणको रोकथाम तथा न्युनीकरणका लागी मास्क अनिवार्य भएकाले आम नागरिकमा यसको प्रयोग बढाउन मास्क वितरण गरिएको क्लबका अध्यक्ष रोहित कर्णले जानकारी दिए ।
सो अवसरमा क्लबका सक्रिय सदस्य राहुल दास, धर्मेन्द्र मण्डल, शिवानि ठाकुर र विराज आले मगर लगायतले सहजीकरण गरेका थिए । सगरमाथा युथ क्लब भने स्थानीय युवाहरुद्वारा भर्खरै स्थापना गरिएको क्लब हो ।
