विराटनगर । कोरोना भाइरसको संक्रमणका कारण शनिबार विराटनगरमा थप एक जनाको मृत्यु भएको छ ।
कोशी अस्पताल अन्तर्गतको कोभिड १९ उपचार केन्द्रमा उपचाररत विराटनगर ८ का ६९ वर्षीय पुरुषको मृत्यु भएको हो ।
भदौ २२ गते कोरोना संक्रमण पुष्टि भएका उनको उपचारका क्रममा शनिबार दिउँसो साढे १२ बजे मृत्यु भएको अस्पतालले जनाएको छ । अस्पताका डा. दिपक सिग्देलका अनुसार मृतक पुरुषमा सुगर र प्रेसरको समस्या रहेको थियो ।
वृद्धको मृत्यु भएसँगै विराटनगरमा कोरोना संक्रमणका कारण ज्यान गुमाउनको संख्या १७ पुगेको छ । प्रदेश १ मा अहिलेसम्म मृत्यु भएका ४७ जनामा कोरोना देखिएको छ ।