विराटनगर । जहदामा जारी वडा अध्यक्ष क्रिकेट कपमा जहदा–६ पोखरिया सेमिफाइनलमा प्रवेश गरेको छ ।
लक्ष्मीनिया युवा क्लबले आयोजना गरेको वडा अध्यक्ष क्रिकेट प्रतियोगिताको आज छैठौं दिन पहिलो क्वार्टर फाइनल खेलमा जहदा–३ जयरामपुर र जहदा–६ पोखरियाबीच भएको थियो ।
जहदा–६ पोखरियाले ६ विकेट र ११६ रनले जहदा–३ लाई जित्न सफल भएको हो । ३ विकेट र ३० रन लिएर म्यान अफ दि म्याच नितेश सहनी भए । आयोजक क्लबका अध्यक्ष नितेस कुमार साह उनलाई मेडल कप र प्रमाणपत्र प्रदान गरे ।
जवाफी ब्याटिङमा आएको जहदा–३ ले भने ७४ रनमा अलआउट भयो । १६ ओभरको खेलमा टस जितेको जहदा ३ ले सुरुमा फिल्डिङ रोजेको थियो ।
प्रतियोगिता लक्ष्मीनिया युवा क्लबको आयोजना र जहदा–५ वडा कार्यालयको आर्थिक सहयोगमा भएको हो भने वाईवाईले प्रायोजक तथा मुस्ताङ वियर सह–प्रायोजक रहेको छ ।
