विर्तामोड । झापाको कचनकवल गाउँपालिकामा जङ्गली हात्तीको आक्रमणबाट एक वृद्धको मृत्यु भएको छ ।
हात्तीको आक्रमणबाट मृत्यु हुनेमा कचनकवल गाउँपालिका–७ निवासी ८० वर्षीय बृखबहादुर राई रहेका छन् ।
शनिबार साँझ घर नजिकै दीपज्योति सामुदायिक वनमा निगुरो टिप्न गएका वृद्धलाई हात्तीले आक्रमण गरेको थियो । जिल्ला प्रहरी कार्यालय झापाका प्रहरी उपरीक्षक कृष्णप्रसाद कोइरालाका अनुसार हात्तीको आक्रमणबाट उनको घटनास्थलमै मृत्यु भएको थियो ।
झापामा जंगली हात्तीले पटक–पटक धनजनको क्षति गर्दै आएको छ ।
