विराटनगर । बैतडीको झुलाघाटबाट शुरू भएको एमालेको समृद्धिका लागि मध्यपहाडी संकल्प यात्रा आज पाँचथरको चिवाभञ्ज्याङमा गएर टुंगिदै छ ।
गत मंसिर १४ गते थालनी भएको संकल्प यात्रा १८ दिपछि आज टुंगिन लागेको हो ।
आजको यात्रा १ सय १ किलोमिटर रहेको छ । यात्रा टोली साँझ बास बस्न फिदिममा नै फर्कनेछ भने टोली सोमबार बिहान काठमाडौंका लागि प्रस्थान गर्नेछ ।
संकल्प यात्रामा अध्यक्ष केपी शर्मा ओली लगायत पार्टीका सम्पूर्ण नेता तथा कार्यकर्ताहरू सहभागी छन् ।
