विराटनगर । धनकुटा र भोजपुरको सिमानामा पर्ने लेगुवा पुगेका एमाले अध्यक्ष केपी ओलीलाई एक व्यक्तिले आक्रमणको प्रयास गरेका छन् ।
मध्यपहाडी संकल्प यात्राको क्रममा भोजपुरबाट धनकुटा प्रवेश गर्ने क्रममा फूलमाला र अविरले स्वागत गर्ने लाइनमा बसेका एक व्यक्तिले ओलीलाई आक्रमण गरेका हुन् ।
आक्रमण लगत्तै एमाले कार्यकर्ताले ती व्यक्तिलाई कुटपिट गरेका थिए । महालक्ष्मी ५ धनकुटाका महेश राईले ओलीलाई आक्रमण गरेका हुन् । प्रहरीले उनलाई नियन्त्रणमा लिएको छ ।
ओलीमाथि भएको आक्रमणको विषयमा प्रहरीले भने औपचारिक रुपमा कुनै जानकारी दिएको छैन ।
