मधुमल्ला । मोरङको मिक्लाजुङ गाउँपालिकामा सञ्चालन भईरहेको तेस्रो अध्यक्ष कप रनिङ शिल्ड फुटबल प्रतियोगिताबाट वडा नम्बर ६ फाइनलमा प्रवेश गरेको छ ।
आइतबारको दोस्रो सेमीफाइनल खेलमा वडा नं. ३ लाई १–० को अन्तरले हराउँदै वडा नं. ६ तेस्रो अध्यक्ष कप रनिङ शिल्ड फुटबल प्रतियोगिताको फाइनलमा पुगेको हो ।
खेलको पहिलो हाफमा मिक्लाजुङ गउँपालिका वडा नं. ६ का जर्सी नंं. ११ का राजेन्द्र मगरले आक्रर्ष हेड मार्फत गोल गर्दै वडा नं. ६ लाई १–० ले अग्रता दिलाए । पहिलो हाफमा वडा नं. ३ ले केही राम्रा अवसरहरु पाए पनि बलले जाली चुम्न सकेन ।
मध्यान्तर पछिको खेलमा वडा नं. ३ ले केही राम्रा अवसरहरु पाए पनि त्यसलाई सदुपयोग गर्न सकेन । एक गोल गरेसँगै रक्षात्मक रहेको वडा नं. ६ ले मध्यान्तर पछिको खेलमा केहि उत्कृष्ठ अवसर पाए पनि स्कोर गर्न सकेन । आइतबराको खेलमा म्यान अफ द म्याच वडा नं. ६ का जर्सी नंं. ११ राजेन्द्र मगर घोषित भए ।
वैशाख २६ गते हुने फाइनल खेल मिक्लाजुङ गाउँपालिका वडा नं. २ र वडा नं. ६ बीच हुनेछ । प्रतियोगितामा प्रथम र द्धितीय स्थान हासिल गर्नेले क्रमशः एक लाख एक हजार, ५१ हजार तथा ट्रफी, मेडल, शिल्ड र प्रमाणपत्र प्राप्त गर्नेछन् । मंगलबार हुने फाइनल खेल मिक्लाजुङ ७ मधुमल्लामा रहेको मनोहर जनता माविको खेल मैदान मध्यान्ह २ बजेदेखि हुनेछ ।
