विर्तामोड । विराटनगर–३ कञ्चनबारीस्थित आर्या न्यूरो हस्पिटलमा पहिलो पटक ‘पाइका एन्युरिज्म क्लिपिङ’ को सफल शल्यक्रिया भएको छ । मुटुमा आरएचडी रियूम्याटिक हर्ट डिजिटको कारणले मस्तिष्कभित्र हुने पाइका एन्युरिज्म क्लिपिङको आर्या न्यूरो हस्पिटलमा पहिलो पटक सफल शल्यक्रिया भएको हो ।
झापाको हल्दीबारी गाउँपालिका –१ गोलधापस्थित ३३ वर्षीया मन्जु कटुवालको मस्तिष्कको पछाडी भागमा रहेको पाइका एन्युरिज्म क्लिपिङको सफल शल्यक्रिया भएको अस्पतालका डाइरेक्टर दिनेश ठाकुरलले जानकारी दिए ।
तीन हप्ता अगाडि टाउकोमा पीडा भएपछि कटुवाल झापाको मेची र पाथीभरा हस्पिटल गइन् । उक्त हस्पिटलमा उपचार सम्भव नभएपछि थप उपचारका लागि विराटनगर जान सुझाव दिएपछि उनी आर्या न्यूरो हस्पिटलमा पुगेकी थिइन् । आर्याका हस्पिटलका वरिष्ठ न्यूरो सर्जन तथा प्रबन्ध निर्देशक डा. पंकजराज नेपालले विरामीको स्वास्थ्य जाँच तथा एमआरआइ गरेपछि ‘पाइका एन्युरीज्म भएको पत्ता लागेको थियो । त्यसपछि चिकित्सकले शल्यक्रिया गर्नुपर्ने सुझाव दिएका थिए ।
१२ चैतमा डा. नेपालको नेतृत्वको टिमले कटुवालको मतिष्तकभित्र भएको ‘पाइका एन्युरिज्म क्लिपिङको सफल शल्यक्रिया भयो । ‘टाउको रगत जमेको थियो । त्यसलाई मेडिकल भाषमा पाईका एन्युरीज्म भन्ने गरिन्छ । रगतको नशामा फुकुन्डो हुन्छ । त्यो फुटो भने हेमोरेज हुन्छ । यो जटिल ठाउँमा हुने गरेकोले हामीले चार घण्टा लगाएर सफल शल्यक्रिया गरिम,’ उपचारमा संलग्न डा. नेपालले भने, ‘यसको उपचार समयमै गरेन भने विरामीलाई बचाउन गाह्रो हुन्छ । त्यसैले विरामीको समयमै उपचार गनुपर्ने हुन्छ ।’
पाइका एन्युरिज्म क्लिपिङको अहिलेसम्म दोस्रो पटक शल्यक्रिया गरिएको डा.नेपालले सुनाए । ‘यो सँगै मैले ‘पाइका एन्युरिज्म क्लिपिङको दोस्रो पटक शल्यक्रिया गरे,’ उनले भने, ‘यसअघि बी एण्डसीमा गरेको थिए । आर्या न्यूरोमा पहिलो केस हो ।’
२० दिन राखेर सफल उपचार भएपछि सोमबार विरामीको डिस्चार्ज भएको छ । दिदीको सफल उपचार भएपछि विरामीका बैनी मुना भण्डारी दहालले उपचारमा खिटने चिकित्सक र हस्पिटललाई धन्यवाद दिइन् । ‘हस्पिटल ल्याउँदा दिदीको अवस्था एकदमै नाजुक थियो । यहाँ ल्याएर चिकित्सकलाई देखाएपछि शल्यक्रिया गरेर तीन हप्तासम्म उपचार गरेपछि दिदी ठिक हुनुभएको छ,’ डिस्चार्ज भएपछि बैनी मुनाले भनिन्, ‘अहिले दिदी राम्रोसँग हिडडुल गर्न सक्ने हुनुभयो । मज्जाले बोल्न सक्ने हुनुभएको छ ।’ आर्या न्यूरो हस्पिटलमा दिदीले नयाँ जीवन पाएको उनले सुनाइन् ।
