विराटनगर । विश्व उपभोक्ता अधिकार दिवस विविध कार्यक्रम गरि मनाइने भएको छ । वाणिज्य आपूर्ती तथा उपभोक्ता संरक्षण कार्यालय विराटनगरले विभिन्न कार्यक्रम गरि उपभोक्ता दिवस मनाउने भएको हो ।
कार्यालय परिसरमा शुक्रबार पत्रकार सम्मेलन गरि शनिबारदेखि आइतबारसम्म विभिन्न कार्यक्रम गरि उपभोक्ता दिवस मनाउने तयारी गरिएको वाणिज्य आपूर्ती तथा उपभोक्ता संरक्षण कार्यालयका प्रमुख हिमालय बरालले जानकारी दिनुभयो ।
शनिबार विराटनगरमा प्रभातफेरि पनि निकालिनने भएको छ । विराटनगरस्थित वाणिज्य कार्यालयबाट निस्किएको ¥यालीले नगरको विभिन्न भाग परिक्रमा गरि सोही स्थानमा आएर सम्पन्न हुनेछ ।
दिवसकै अवसरमा आइतबार वृहत अन्तरक्रिया कार्यक्रम हुनेछ । अन्तरक्रिया कार्यक्रम पनि विराटनगरमा कार्यालय प्रमुख बरालले बताउनुभयो । ‘उत्पादनमा गुणस्तरीयता, उपभोक्तामा विवेकशिलता’ भन्ने मुल नाराको साथ विश्व उपभोक्ता दिवस मनाउने तयारी गरिएको छ । यस्तै १४ वटा सहायक नाराहरू रहेको छ ।
