विराटनगर । नेपालमा कोरोना संक्रमणबाट थप ३ जनाको मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।
मोरङका ६० वर्षीय पुरुष, काठमाडौँकी ५८ वर्षीया महिला र रौटहटका ३२ वर्षीय पुरुषको मृत्यु कोरोनाबाट भएको मन्त्रालयले पुष्टि गरेको हो ।
योसँगै नेपालमा कोरोना संक्रमणबाट मृत्यु हुनेको संख्या १०७ पुगेको छ । पछिल्लो २४ घण्टामा ५८१ जनामा कोरोना भाइरसको संक्रमण पुष्टि भएको छ। संक्रमितको संख्या २७ हजार २४१ पुगेको छ।
११ हजार ५ सय २० जनाको परीक्षण गर्दा ५८१ जना संक्रमित भेटिएका हुन् । पछिल्लो २४ घण्टामा १६० जना कोरोना जितेर डिस्चार्ज भएका छन्। योसँगै कुल डिस्चार्ज हुनेको संख्या १७ हजार ४९५ रहेको छ।
