विराटनगर । झापाको कमल गाउँपालिकाका अध्यक्ष हुकुमसिह राईले उपाध्यक्ष हुँदाहुँदै वडा अध्यक्षलाई कार्यवाहक जिम्मेवारी दिएका छन् ।
वडाध्यक्षलाई कार्यबहाक अध्यक्षको जिम्मेवारी दिएर राई भने विदेश भ्रमणमा निस्किएका छन् ।
राईले विदेश भ्रमणको अघिल्लो दिन कमल गाउँपालिका वडा नं. २ का अध्यक्ष अशोक सुब्बालाई कार्यवाहक अध्यक्षको जिम्मेवारी दिएका हुन् । उपाध्यक्ष प्रमिला नेउपाने तिवारी कार्यालयमा दैनिक उपस्थित रहेपनि राईले उनलाई कार्यबहाक जिम्मेवारी नदिएका हुन् ।
नेपाली काङ्ग्रेसबाट निर्वाचित अध्यक्ष राईले नेकपा समाजवादीबाट निर्वाचित वडाध्यक्ष सुब्बालाई कार्यबहाक अध्यक्षको जिम्मेवारी दिएका हुन् । उपाध्यक्ष तिवारी भने नेकपा एमालेबाट निर्वाचित भएकी हुन् ।
