विराटनगर । सोमबार एकैदिन ६२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले सोमबार अपरान्ह थप ५३ जनामा कोरोना संक्रमण पुष्टि भएको जनाएको छ ।
योसँगै नेपालमा कोरोना संक्रमितको संख्या ३५७ जना पुगेको छ । सोमबार बिहान मात्र ९ जनामा कोरोना संक्रमण पुष्टि भएको थियो ।
बाँकेमा मात्र थप ४७ जनामा कोरोना संक्रमण पुष्टि भएको छ । भेरी अस्पतालस्थित प्रयोगशालामा भएको परीक्षणमा ४७ जनाको रिपोर्ट पोजेटिभ आएको हो । प्रयोगशालामा १९० जनाको स्वाब परीक्षण गरिएको थियो । बाँकेमा ४६ जना पुरुष र एक महिलामा कोरोना पुष्टि भएको हो ।
सोमबार भएको परीक्षणमा गुल्मी, मोरङ, धनुषा, रौतहट, दाङ र धादिङमा १र१ जना गरी ६ जनामा कोरोना संक्रमण पुष्टि भएको छ ।
