विराटनगर । लागूऔषधसहित प्रहरीले दुई जनालाई पक्राउ गरेको छ ।
मोरङ सुनवर्षी नगरपालिका वडा नं. ९ डाईनिया बजारमा रहेको बोलबम पेट्रोल पम्प अगाडीबाट लागूऔषध खैरो हिरोईनसहित दुई जनालाई पक्राउ गरेको हो ।
लागूऔषध ओसारपसार तथा बिक्री बितरण गर्दै आएको भन्ने गोप्य सुचनाको आधारमा इलाका प्रहरी कार्यालय रंगेलीबाट खटिएका प्रहरी र लागू औषध नियन्त्रण ब्यूरो विराटनगरको संयुक्त प्रहरी टोलीले दुई जनालाई पक्राउ गरेको छ । लागूआौषधसहित प्रहरीले भारत राज्य विहार जिल्ला अररिया, पोखरिया पञ्चायत वडा नं. ३ बस्ने वर्ष १९ का राहुल राजा र सुनबर्षी नगरपालिका वडा नं. ९ डाईनिया बस्ने बर्ष २४ का आदर्श दास पक्राउ गरेका परेका हुन् । उनीहरुको शरीर समेतको रितपुर्वक खानतलासी गर्दा राहुल राजाले दाहिने हातमा मुठ्ठी पारी लुकाईएको अवस्थामा कालो रंगको प्लाष्टिकको पोका फेला परेको र उक्त पोका खोली हेर्दा सेतो रङको प्लाष्टिकमा लागू औषध खैरो हिरोईन जस्तो देखिने लिसाईलो पदार्थ रहेको मोरङ प्रहरीका प्रवक्ता डिएसपी ज्ञान्देन्द्र बहादुर बस्नेतलले जानकारी दिए ।
उनीहरुले उनीहरुको साथबाट ६०.८५ ग्राम लागूऔषध बरामद गरेको प्रहरीले जनाएको छ ।
