उदयपुर । उदयपुरको त्रियुगा नगरपालिकाका किसानलाई व्यवसायीक तरकारी खेती सम्बन्धि तालिम दिइएको छ ।
जीवन विकास लघुवित्त वित्तीय संस्था गाईघाट शाखाले त्रियुगा नगरपालिका ४ बगाहाका किसानहरूलाई तरकारी खेती सम्बन्धि आइतबार र सोमबार तालिम दिएको हो । तालिममा २५ जना किसान सहभागी भएका थिए ।
तरकारी खेतीलाई व्यवसायीकरण गर्ने उद्देश्यले तालिम आयोजना गरिएको जीवन विकासका शाखा प्रमुख विकासकुमार सिंहले बताए ।
तालिममा मल प्रयोग, बिउ छनौट, सिँचाई व्यवस्थापन लगायतका विषयमा किसानलाई जानकारी गराइएको थियो । तालिमबाट सैद्धान्तिक र व्यावहारिक ज्ञान सिकेका किसानलाई व्यवसायीक तरकारी खेतीका लागि जीवन विकासले प्रोत्साहन गरिरहेको छ ।
