विराटनगर । कान्तिपुर पब्लिकेशनको कोशी प्रदेश कार्यालय कार्यरत सुरक्षा गार्ड मृत भेटिएका छन् ।
मोरङ बूढीगंगा गाउँपालिका–४ नेमुवास्थित कान्तिपुरको प्रादेशिक कार्यालयको सुरक्षा गार्ड कोठामा सुन्दरहरैँचा नगरपालिका–९ घर भएका अन्दाजी ५० वर्षीय बलबहादुर बस्नेत मृत फेला परेका हुन् । उनी झुन्डिएको अवस्थामा मृत भेटिएका हुन् ।
मोरङ प्रहरी प्रवक्ता डीएसपी ज्ञानेन्द्रबहादुर बस्नेतका अनुसार मृत फेला परेका बस्नेत कान्तिपुरको प्रदेश कार्यालयमा कार्यरत सुरक्षा गार्ड हुन् ।
कोठा भित्रबाट चुक्कुल लगाइएको अवस्थामा कोठाको सिलिङ पंखामा झुन्डिएको अवस्थामा शव भेटिएको प्रहरीले बताएको छ । बस्नेतलाई पालो दिन आएका साथीले ढोका नखुलेपछि पर्खाल नाघेर हेर्दा झुन्डिएको देखेर प्रहरीलाई खबर गरेका थिए ।
