विराटनगर । मोरङको पथरी शनिश्चरे नगरपालिका १ मा रहेको चिउरा मिलमा गएराति आगलागी भएको छ । आगलागीबाट उद्योगमा ठूलो क्षति भएको प्रहरीले जनाएको छ ।
पथरी १ स्थित बुद्धचोकमा रहेको कोशी चिउरा मिलमा मध्यराति आगलागी भएको हो । आगलागीबाट एक करोड रुपैयाँ भन्दा बढिको क्षति भएको प्रहरीले जनाएको छ । उद्योग र त्यहाँभित्र राखिएका अन्न तथा मिल मेसिनरीका सामानहरु सबै जलेका छन् ।
आगलागीबाट मानवीय क्षति नभएको र छिमेकी नगरपालिकाहरुबाट गएका वारुणयन्त्र, प्रहरी र स्थानीयको सहयोगमा आगो बिहानपख नियन्त्रणमा लिइएको मोरङ प्रहरीले जनाएको छ ।
