काठमाडौं । नवनिर्वाचित राष्ट्रियसभा सदस्यको शपथग्रहण फागुन २१ गते हुने भएको छ । शपथ यही फागुन २१ गते तोकिएको संघीय संसद् सचिवालयका सहायक प्रवक्ता दशरथ धमलाले जानकारी दिए ।
फागुन २१ गते सोमबार बिहान साढे ११ बजे संघीय संसद् भवनको ल्होत्से हलमा शपथको कार्यक्रम आयोजना गरिएको उनले बताए ।
राष्ट्रियसभा अध्यक्षसहित २० जनाको पदावधि फागुन २० गते सकिँदै छ । रिक्त हुने १९ पदका लागि गएको माघ ११ गते निर्वाचन भएको थियो । एकजना मन्त्रिपरिषद्को सिफारिसमा राष्ट्रपतिबाट मनोनीत हुनेछन् ।
