पुण्य पि अधिकारी
गृह मन्त्रीको पद जोगाउनका लागि गरिएको अन्तिम कसरत विफल भएपछि राष्ट्रिय स्वतन्त्र पार्टीका सभापति रवि लामिछानेले केही समयअघि पत्रकार सम्मेलन गरी आफूलाई ‘बाहृ भाई’ ले खेदो खनेको बताए । लामिछानेले आफू अभिमन्यू नभएको भन्दै पत्रकार सम्मेलनमा ‘बाहृ भाई’ भनेपछि त्यसयता आम पाठक, दर्शक र श्रोताले पत्रकार र पत्रकारितालाई ‘बाहृ भाई’ भन्ने थालेका छन् । समाचारका हरेक कमेण्टमा ‘बाहृ भाई’ को विम्व तयार भएको छ ।
कोशी प्रदेशसभाका नेपाली कांग्रेसका आठ जना विद्रोही सांसदलाई बटुलेर सत्ताको धानी पु¥याएपछि कोशी प्रदेशका मुख्यमन्त्री भएका केदार कार्कीले यसै साता ‘फष्ट वेञ्च र लाष्ट वेञ्च’ का विषयमा दिएको विवादस्पद अभिव्यक्तिले एउटा विम्व नै तयार गरेको छ । सरकारी जागिर खाएकालाई फष्ट वेञ्चर र राजनीतिमा होमिएकालाई लास्ट वेञ्चर । हिजोआज त्यही अभिव्यक्तिका कारण मुख्यमन्त्री कार्कीको चैन हराएको छ । मुख्यमन्त्रीको अभिव्यक्तिलाई लिएर निजामती कर्मचारी आक्रोशित मात्रै भएका छैनन्, मुख्यमन्त्रीले अभिव्यक्ति फिर्ता नलिए आन्दोलन गर्ने चेतावनी समेत दिएका छन् ।
भारतका महान वैज्ञानिक एवम् राष्ट्रपति एपी जे अब्दुल कलामले कहिलेकाँही देशको उत्कृष्ट प्रतिभा कक्षा कोठाको लाष्ट वेञ्चमा पनि भेटिन सक्छ भन्ने आशय भन्दा कम तरिकाले मुख्यमन्त्रीले केदार कार्कीले लाष्ट वेञ्च र फष्ट वेञ्चको विम्व बनाएपछि सामाजिक सञ्जालमा सोही विम्व व्यक्त भइरहेको भेटिन्छ ।
नेपालको कर्मचारीतन्त्रमा उत्कृष्ट प्रतिभा आएपनि उनीहरुको ध्यान राज्यकोष दोहनमा मात्र भएको अभिव्यक्ति दिन खोजेका मुख्यमन्त्रीले जोडेको एउटा वाक्यले, लाष्ट वेञ्चर र फष्ट वेञ्चरको विम्व बनाएको छ ।विद्यालय जीवनमा पढाईमा औसत भन्दा कम वर्गमा पर्ने विद्यार्थीले सरस्वती पूजाका दिन विशेष प्रण लिने गरेको पाइन्छ । सरस्वती पूजनपछि दहृो मुट्ठी बनाएर आगामी दिनमा उत्कृष्ट ढङ्गले अध्ययन गरी कक्षा प्रथम हुने प्रण लिएको सोही विद्यार्थी दिन वित्दै जाँदा पुरानै लयमा फर्किएर पढाइमा मन लगाउन छोड्छ ।
उसले फेरी अर्को वर्षको सरस्वती पुजामा त्यस्तै किसिमको प्रण लिन्छ । हिजो सरस्वती पुजामा धेरै विद्यार्थीले आफूलाई सरस्वतीको आशिर्वाद प्राप्त होस् भनि मनोकामना व्यक्त गरे ।
अभिभावकले छोराछोरीलाई सरस्वती पुजामा पढ्न मन लागोस् भनि आशिर्वाद माग्नु भनि पक्कै सिकाएका थिए, होला । तर, मुख्यमन्त्रीको अभिव्यक्तिपछि अभिभावक र विद्यार्थी दुवै अलमलमा पर्नुलाई पनि आश्र्चय मान्न नसकिने अवस्था छ ।सरस्वती पुजाकै दिन परेको प्रणय दिवसले भने युवा पुस्तालाई विद्या र मुख्यमन्त्रीको लाइन भन्दा अलग्गै दुनियाँमा रमाइ रहेको घाम झै छर्लङ्ग छ ।
