काठमाडौं । साफ यू– १९ महिला च्याम्पियनसिप २०२४ अन्तर्गत लिग चरणको दोस्रो खेलमा नेपालले भुटानलाई पराजित गरेको छ ।
बंगलादेशमा चलिरहेको प्रतियोगिताको दोस्रो खेलमा नेपाल १–० ले विजयी भएको हो । पहिलो खेलमा आयोजक बंगलादेशसँग ३–१ ले पराजित नेपालले यस जितसँगै फाइनल पुग्ने सम्भावनालाई जीवित राखेको छ ।
नेपालका लागि आइतबार सेनु परियारले दोस्रो हाफमा गोल गरेकि थिइन । उनले गरेको गोल निर्णायक सावित भयो । उनले ५४ औं मिनेटमा अफसाइड ट्रयाप बिट गरेपछि गोलरक्षकलाई समेत छलाउँदै उत्कृष्ट गोल गरेकी थिइन् ।
