विराटनगर । डिजिटल वालेट खल्तीले वर्ल्ड लिङ्कका ग्राहकलाई लक्षित गर्दै ल्याएको ‘दसैँ च्याम्पियन’ अन्तर्गत विराटनगर शान्ति चोकका लक्ष्मण शाहले लक्की ड्र मार्फत ‘दुबई टुर ’जितेका छन् ।
खल्ती अनलाइन बाट पेमेन्ट गर्दा दुबई घुम्ने जाने अवसर पाइन्छ भनेर बुझेर खल्ती अनलाइनबाट पेमेन्ट गरेको उनले बताएका छन् । आफूले दुबई घुम्ने अफर पाएकोमा धेरै खुसी लागेको उनले बताए ।
वर्ल्ड लिङ्कको इन्टरनेट बिलको भुक्तानी खल्तीबाट गर्नेमध्ये २४ ग्राहकको जोडीलाई ‘दुबई भ्रमण’ को अफर दिएको छ । हरेक हप्ता खल्तीले लक्की ड्र मार्फत दुई जोडी लाई दुबई टुर दिँदै आएको छ । पहिलो हप्ता वीरगन्जका सुवास प्रधान र चितवनका मिलन कुमालले दुबई टुर जितेका थिए भने दोस्रो हप्ताको टुर विराटनगर शान्ति चोकका लक्ष्मण शाह र काठमाडौँ ३२ का तोयानाथ ढुंगानाले जितेका छन् ।
खल्ती र वर्ल्ड लिङ्कको पेज बाट मङ्गलवार बेलुका मिस युनिभर्सल नेपाल जेन दीपिका गैरेटको उपस्थितिमा प्रत्यक्ष प्रसारण गर्दै खल्तीले विजेता घोषणा गरेको हो।
यो अफरमा सहभागी हुन ग्राहकले इन्टरनेट सेवा प्रदायक वर्ल्ड लिङ्कको इन्टरनेट शुल्क खल्तीबाट भुक्तानी गर्नुपर्ने हुन्छ । खल्तीबाट भुक्तानी गर्नेमध्ये हरेक हप्ता दुई जोडीले दुबई घुम्ने मौका पाउनेछन् । यसअन्तर्गत चार रात पाँच दिनको दुबई भ्रमणका लागि लाग्ने सम्पूर्ण खर्च खल्तीले बेहोर्ने छ । विशेष गरी तीन महिना वा १२ महिनाको इन्टरनेट शुल्क भुक्तानी गर्ने ग्राहकलाई यो अफरमा सहभागी गराइएको छ।
तीन महिनाको इन्टरनेट शुल्क खल्तीबाट तिरेपछि प्रयोगकर्ताले दुई ओटा भौचर पाउदै आएको छन् भने १२ महिनाको भुक्तानी गर्दा पाँच ओटा भौचर पाउनेछन् । खल्तीले तीनै भौचरमार्फत हरेक साता लक्की ड्र गरी दुई ओटा भौचर छान्ने छ ।
दुबई अफरका साथै वर्ल्ड लिङ्कका नयाँ तथा पुराना ग्राहकले सामसङका विभिन्न उत्पादनमा साढे १५ हजार रुपैयाँसम्म छुट प्राप्त गर्न सक्नेछन् ।कम्पनीका अनुसार सामसङको २३० लिटरको रेफ्रिजेरेटर, ५५ र ४४ इन्चको फोरके अल्ट्रा एचडी टेलिभिजन, फ्रन्ट लोडिङ वासिङ मसिन र सामसङ ए२४ एलटीई स्मार्टफोन ९८ र १२८ जीवी मा चार हजारदेखि साढे १५ हजार रुपैयाँसम्म छुट पाइने छ साथै वर्ल्ड लिङ्कका ग्राहकले बोट ब्रान्डको इयरबड खरिदमा ५० प्रतिशत छुट पाउने भएका छन् ।
कम्पनीले तीन वा १२ महिनाको इन्टरनेट प्याकेज नवीकरण गर्ने वा वर्ल्ड लिङ्कको इन्टरनेट जडान गर्ने नयाँ ग्राहकलाई ‘एयरडप्स १७०’ आधा मूल्यमा उपलब्ध गराउने जानकारी दिएको हो ।यस अन्तर्गत ग्राहकले बोटको यो इयरबड १६ सय ९९ रुपैयाँमा खरिद गर्न सकिनेछ । यसको बजार मूल्य भने तीन हजार २९९ रुपैयाँ रहेको छ ।इन्टरनेट नवीकरण गरिसकेपछि वा नयाँ इन्टरनेट जडान गरेपछि वर्ल्ड लिङ्कको शाखा कार्यालयमा पुगेर ‘एयरडप्स १७०’ खरिद गर्न सकिने छ ।
