इनरुवामा दर्जनौ व्यक्ति माओवादी प्रवेश

विराटनगर । सुनसरीको इनरुवामा दर्जनौं व्यक्तिहरु नेकपा माओवादी केन्द्रमा प्रवेश गरेका छन् । गत निर्वाचनमा लोकतान्त्रिक समाजवादी पार्टीबाट प्रतिनिधि सभा सदस्य पदका उम्मेद्वार मोहमद जलिल साफी लगायत समाजका दर्जनौं अगुवा व्यक्तिहरु विभिन्न पार्टी परित्या गरेर माओवादी केन्द्रमा प्रवेश गरेको हुन् ।

नेकपा माओवादी केन्द्रले सञ्चालन गर्दै आएको तीन महिने अभियानका क्रममा इनरुवा नगरपालिकामा आयोजित कार्यक्रममा केन्द्रीय सदस्य तथा पूर्वमन्त्री जीवन आचार्यले जलिल लगायतलाई पार्टी प्रवेश गराएका हुन् ।

आचार्यले इनरुवा र रामधुनी नगरपालिकामा अभियान सञ्चालनको नेतृत्व गर्दै आएका छन् । अभियानका क्रममा केही समययता नेता आचार्यले टोल बस्तीहरुमा भेला राख्ने, सामाजिक समस्याहरुका बारेमा जानकारी लिने र समाधानका लागि पहल गर्ने, नेकपा माओवादी केन्द्रले गरेको काम र सरकारको नेतृत्वबाट अहिले भइरहेको भ्रष्टाचारविरुद्धको अभियान आदिका बारेमा जानकारी गराउँदै संगठन विस्तारमा जोड दिइरहेका छन् ।

अभियानकै क्रममा उनले शनिबार झुम्कामा फुटबल प्रतियोगिताको फाइनल खेलमा प्रमुख अतिथिको रुपमा सहभागिता समेत जनाएका थिए ।

अभियानका केही झलकहरु :