विराटनगर । विराटनगर बास्केटबल एकेडेमीको आयोजनामा विराटनगर बास्केटबल कपको तेस्रो संस्करणको खेल सोमबारदेखि सुरु भएको छ ।
विराटनगरमा रहेको कोबास कलेजको बास्केटबल कोर्डमा भएको उद्घाटन खेलमा पुरुषतर्फ सगरमाथा स्कुललाई ३६–१४ अंकले पराजित गर्दै बिकेभिएम स्कुलले विजयी सुरुवात गरेको छ ।
त्यसैगरी महिलातर्फको खेलमा पनि सगरमाथा स्कुललाई ३–४ अङकले पराजित गर्दै महिला र पुरुष तर्फ बिकेभिएम स्कुलले विजयी सुरुवात गरेको हो । पुरुष र महिलातर्फको खेलमा गुनानन्द यादव र प्रशना राउत ‘उत्कृष्ट’ खेलाडी घोषित भएका छन् ।
विद्यालयस्तरीय तेस्रो विराटनगर बास्केटबल प्रतियोगितामा महिला र पुरुष गरी ८ वटा टिम सहभागीता रहेको कार्यक्रम संयोजक मुकेश यादवले जानकारी दिए । बास्केटबल प्रतियोगिताको फाइनल खेल २३ गते हुने संयोजक यादवले बताए ।
पहिलो संस्करणमा विराटनगरको सगरमाथा स्कुल र दोस्रो संस्करणमा इटहरीको विश्व आदर्श स्कुल विजेता रहेको थियो ।
