काठमाडौं । फिफा विश्वकप फुटबल अन्तर्गत आज चार खेल हुँदैछन् । जसमा समूह ए र समूह बी का दुई–दुई खेलहरु हुनेछन् । पहिलो दुई खेलमा समूह ए मा रहेका ईक्वेडर र सेनेगल तथा नेदरल्याण्ड्स र कतार बीच प्रतिस्पर्धा हुनेछ । दुबै खेल नेपाली समयअनुसार बेलुका पौने ९ बजे सुरु हुनेछ ।
दोस्रो दुई खेलमा समूह बी मा रहेका ईरान र अमेरिका तथा वेल्स र इंग्ल्यान्डबीच खेल हुँदैछ । दुबै खेल नेपाली समयअनुसार राती पौने १ मा हुनेछ । आज हुने ४ खेलबाट समूह ए र बी बाट अन्तिम १६ मा पुग्ने थप ४ राष्ट्रको टुङ्गो लाग्नेछ ।
फिफा विश्वकप कतारमा भएको छ ।
